كتبت: آمال زغلول
قال الرئيس السيسي، إنّه يحلم بإنشاء 3 ملايين وحدة سكنية، بتكلفة قد تصل إلى 500 أو 600 مليار جنيه. وأضاف: “فيه ناس قالوا علموا الناس الأول، وتساءل.. هل أعلمهم بالمنظر اللي كانوا عايشين فيه.. كانوا هيتعلموا إيه؟ الشخصية دي كانت هتبقى رافضة كل شيء ومنعزلة عن كل شيء”.
وأشار السيسي، إلى ضرورة تنظيم المزيد من البرامج لإخراج الناس من الحالة التي كانوا يعيشون فيها.
وقال الرئيس عبد الفتاح السيسي، إنّه يعتبر نفسه رب أسرة، مسؤول عن كل المصريين. وأضاف، “أنا مسؤول عن الناس.. كل ما أعملّهم هيكون ليا أجر كويس والعكس صحيح.. يومين هنقعدهم على وش الدنيا، وأنا زي زي غيري هقابله وأتمنى يكون لقاء طيب”.
وقال السيسي، خلال افتتاحه مجموعة مشروعات إسكان بديل المناطق غير الآمنة في منطقة 6 أكتوبر عبر تقنية الفيديو كونفرانس: “إحنا شركاء كلنا في بيت واحد، أنا من المصريين والمصريين مني، وبالتالي لازم أحطهم في الصورة، ولازم كلنا نبقى شايفين كل اللي بيحصل”.
السيسي: الحمد لله إن ربنا قدّرنا نعمل كده لشعبنا
وأشاد الرئيس السيسي، بجهود الدولة في إنشاء مشروعات الإسكان، لكّنه أكّد أنّ أمامها المزيد. وقال: “لازم نقول الحمد لله إن مكّنا إننا نقدر نعمل كده لشعبنا وساعدنا إننا نغير حياتهم، وأقول يا ترى اللي بنعمله يرضي ربنا ولا لأ”. وأضاف: “الناس اللي بتكون عايشة في المناطق غير الآمنة بتكون رافضة لكل شيء”.
وأوضح السيسي: “فين الناس دي، الناس دي عايشة إزاي”، مضيفًا: “أنا أقفل بابي هنا وآكل لقمة بشوية شاي، بس أنام هنا وولادي يمشوا هنا ويتحركوا كدا ولاد وبنات في أمان وسلام، ويبقى بكرة بتاعهم كويس بفضل الله”.
وقال الرئيس السيسي، إن الدولة عندما أطلقت مشروع بناء المدن الجديدة بما فيها العاصمة الجديدة تعرضت لحملة كبيرة من قِبل “مغرضين”. وأضاف: “هذه الحملات كانت من خلال ناس مغرضين غرضهم التشكيك أو ناس مش فاهمة ودول قضيتهم معانا إننا نفمهم”. وذكر أنّ الدولة تهتم على مدار السبع سنوات بكل الفئات وليس الطبقة المتوسطة والغنية.
وقال الرئيس: “أيوة أشكر ربي ونشكر كلنا ربنا إنه أعطانا ومكنا ولسه وبكرة تشوفوا هنعمل وهنعمل وهنعمل، إن الله لا يصلح عمل المفسدين وإذا كنا إحنا بنفسد مش هيصلح عملنا، وإن كنا بنضيع مش هيساعدنا، وإن كنا بنخرب مش هيساعدنا”. وأضاف: “أما إذا كنت أنت عايز تدخل السرور والسعادة والهنا، هي مش وجبة بتأكلها لواحد وتقوله مع السلامة، أنت بتعيشه عمره هو وأولاده هنا”.
السيسي: “إعادة تنظيم الدعم” توفير في الاتجاه الصحيح.. أنا ليا بطاقة تموين في المنيا باسمي يُصرف بها
وقال الرئيس السيسي، “عدم وجود رقمنة للدولة المصرية خلانا مش شايفين كويس، بياناتنا مش واضحة، فحصل استقرار لواقع غير دقيق، وبه الكثير من الفساد”. وأشار، إلى وجود بطاقة تموين تحمل اسمه في محافظة المنيا، ويتم صرف المواد التموينية بها.
وأضاف عبدالفتاح السيسي، إن الهدف من طرح قضايا مثل إعادة تنظيم الدعم هو التوفير في الاتجاه الصحيح بدلًا من تضييع أموال ضخمة في اتجاه غير صحيح.
السيسي: حد قالي أنت ليه مش فرحان باللي اتعمل.. قولتله أنا بشوف اللي لسه ماتعملش
وقال الرئيس ، إنه يجب الحرص على إطلاع المواطنين على التحديات التي تواجهها الدولة. وأضاف: “من كام يوم حد سألني أنت ليه مش فرحان باللي اتعمل .. قولتله أنا مش بشوف اللي اتعمل.. بشوف اللي لسه ماتعملش، واللي لسه ماتعملش عندنا كتير”.
جدير بالذكر، افتتح الرئيس عبدالفتاح السيسي، اليوم السبت، مجموعة من مشروعات إسكان بديل المناطق غير الآمنة بمدينة 6 أكتوبر، وذلك بحضور الدكتور مصطفى مدبولي، رئيس مجلس الوزراء، والدكتور عاصم الجزار، وزير الإسكان والمرافق والمجتمعات العمرانية، واللواء أركان حرب إيهاب الفار رئيس الهيئة الهندسية للقوات المسلحة، وعدد من كبار رجال الدولة والقوات المسلحة.
ومن المشروعات التي افتتاحها الرئيس السيسي لإسكان بديل المناطق غير الآمنة، مشروع السكن البديل بالرويسات بشرم الشيخ، ومشروع السكن البديل بروضة السيدة زينب، والسكن البديل بقرية الصيادين بمدينة رأس البر.
كانت الصفحة الرسمية لمحافظة الجيزة، نشرت أمس، فيديو يوضح الفارق الهائل بين المساكن التي كان يسكن بها أهالي منطقة “سن العجوز” غير الآمنة بحي الهرم وبين المساكن البديلة لهم بمشروع الإسكان الاجتماعي ذو الطابع الحضاري الحديث بمدينة حدائق أكتوبر.
لمتابعة أخبار موقع نساعد عبر google news اضغط هنـــــــــــا ، صفحة موقع نساعد على الفيسبوك اضغط هنـــــــــا وموقع تويتر اضغط هنــــــــــــــا
اقرأ أيضًا
وزارة التضامن توضح أهمية كارت الخدمات المتكاملة
القباج: ذوي الاحتياجات الخاصة طيبين جدًا و بياخدو قلبي بصراحة (فيديو)
