السيسي يكشف أسباب ارتفاع أسعار الكهرباء

وما هو مجمع "بنبان" للطاقة الشمسية بأسوان

كتبت: آمال زغلول

كشف الرئيس عبد الفتاح السيسي، عن أسباب ارتفاع أسعار الكهرباء. وقال، “الناس بتشتكي من سعر الكهرباء، هي غالية مش علشان إحنا عايزين نغليها عليهم، لكن تكلفة الإنتاج عالية، وأنا بتكلم على حوكمة الإجراءات، وهل اللي إحنا بنتكلم فيه ده نقدر نحصله ولا لأ، لأن لو مقدرناش نحصله الدولة اللي هتتحمل الفارق، والدولة عليها أعباء كتيره جدا”.

السيسي يكشف أسباب ارتفاع أسعار الكهرباء

وقال السيسي، في دول بقالها 20 سنة عندها مشكلة في الكهرباء ومحلتهاش،علينا أن نختار نحل المشكلة علشان نحمي الأمن القومي وندي فرصة لاستقرار الصناعات المرتبطة بالكهرباء وزيادة نموها. وأضاف: “قلت لوزير الكهرباء لو المصانع قفلت الناس هتمشي والعمالة هتبقى برا، والبلد دي هتتهد، وكان لازم نحل المسألة في أسرع وقت ممكن.

جدير بالذكر، كان الرئيس السيسي تفقد ،اليوم الإثنين، مجمع بنبان للطاقة الشمسية بمحافظة أسوان، خلال فعاليات افتتاح عدد من المشروعات التابعة لقطاع الكهرباء بمحافظات الصعيد.

وفيما يلي يستعرض موقع “نساعد” ما هو مجمع «بنبان» للطاقة الشمسية بأسوان

يعد أحد أكبر مشروعات الطاقة الشمسية على مستوى العالم .
تقع المحطة على بعد نحو 35 كيلو شمال غرب أسوان في قرية بنبان التابعة لمركز دراو .
موقع المشروع واحدا من أكثر المناطق سطوعاً للشمس في العالم .
يقام على مساحة قدرها ‏37 كم2 تشمل 8843 فدانًا.
يتضمن 40 محطة لإنتاج الكهرباء كل محطة بطاقة 50 ميجاوات.
حجم إنتاج محطة بنبان من الكهرباء 2000 ميجاوات.
شارك في المشروع 40 شركة متخصصة منها 10 شركات عالمية وعربية.
يوفر مشروع بنبان 10 آلاف فرصة عمل .
تعادل القدرات المنتجة في المحطة ما يزيد على 90 % من إنتاج السد العالي.
ساهم المشروع في تفادي 2 مليون طن من انبعاثات ثاني أكسيد الكربون.
تم تخصيص 10% من أرباح الشركات المشاركة في المشروع للمسئولية المجتمعية.
تأتى محطة بنبان للطاقة الشمسية كأحد مصادر تنوع الطاقة وتعظيم الاستفادة من الطاقة المتجددة.
تكلفة المشروع الاستثمارية 3,4 مليار يورو تقدر بنحو 40 مليار جنيه.