السيسي: القنوات المسيئة تقول كلام لا يرضى ربنا ولم يحدث نقص في السلع بسبب كورونا

كتبت ــ سهير مجدي

حذر الرئيس عبد الفتاح السيسي، من ما وصفه بالقنوات المسيئة، مؤكدًا أنه لم يحدث نقص بالسلع بسبب فيروس كورونا. وأشار السيسي إلى أن الدولة أنفقت 350 مليار جنيه على محافظة القاهرة خلال الفترة الماضية، مضيفا: “صرفنا على محافظة القاهرة ما يقرب من 350 مليار جنيه، ولو صرفتهم في العاصمة الجديدة هتغطي جزء كبير جدا من المرافق بحجم نصف الأراضي، وحجم المصروفات في الإسكندرية خلال 40 سنة والله لا يساوي إن احنا كنا نعمل مدينة جديدة في سيدي كرير بعمق 10 كيلو كنا عملنا مدينة جديدة وحديثة”.

قال الرئيس عبد الفتاح السيسي، إن هناك حملات تشكيك في كل المشروعات التي تقوم بها الدولة، متابعا: “في كل مشروعاتنا اللى بنعملها هتجدوا تشكيك وتجدوا ناس بتتكلم بشكل سلبي على اللي احنا بنعمله، ولكن الهدف من هذه المشاريع هي المصلحة للكل، والقنوات المسيئة اللى عاوزة دايما تكلمكم كلام لا يرضى ربنا”.

ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: “بشكرك وانا معاك والدولة معاك نعمل 4 محاور على كل ضفة ونعمل المساجد بنفش النمط ومساكن لأهلنا اللى اتعدوا لكن احنا بنحاسب نفسنا التجاوز اللى تم احنا ندفع تمنه مش الناس”.

وأضاف: “احنا بنفتتح وسعداء والبحيرة فيها 77 جامع مخالف على حرم الترعة، اللى عاوز يبني حاجة لربنا يسرق أرضه؟، دى سرقة”.

وتابع السيسي: “خلال الفترة الماضية لم يحدث أى نقص فى أى سلعة أساسية، رغم تحدى أزمة كورونا كان طبيعى نتعرض لازمة زى كده.. جهد وزارة التموين والدكتور على خلال الفترة الماضية مفيش أي نقص في السلع الأساسية حصل او اختناق او شكل من تسعير غير دقيق او تلاعب في الأسواق”.

أكد الرئيس عبد الفتاح السيسي، أن الدولة لم تتخذ إجراءات حادة لمواجهة مخالفات البناء دون سابق إنذار، مضيفا: “مخدناش إجراء حاد في مخالفات البناء بدون إنذار احنا قايلين الكلام ده من 3 سنين وادينا مهلة لنفسنا 6 شهور، وقلنا التصالح وكلام من هذا القبيل .

شدد الرئيس عبد الفتاح السيسي على خطورة مخالفات البناء، وحذر الرئيس خلال افتتاح عدد من المشروعات التنموية بمدينة الإسكندرية، من غياب الدولة مرة أخرى قائلا: “غابت الدولة بس مينفعش الدولة تغيب تانى، وإن غابت تاني أنتوا كده بتأجلوا التطوير 100 سنة، ولو غابت مصر تاني إحنا بنأجل 100 سنة ومقدرش أقبل كده، الناس هتبقى مضايقة وزعلانة ميجراش حاجة، ولو مش عاوزينى أبقى موجود هنا أنا معنديش مشكلة، بس أنا لا يمكن أبقا موجود في مكان إلا والإصلاح قدام عنيا وأمسك فيه وأخلصه بما يرضى الله سبحانه وتعالى والله غالب على أمره”.

وقال الرئيس عبد الفتاح السيسي، إن المواطنين متألمون من إجراءات الدولة لضبط مخالفات البناء، متابعا: “المواطنون كتير منهم متألم ومضايق من موضوع إجراءات الدولة لضبط مخالفات البناء سواء الأراضى الزراعية أو بدون ترخيص”.

وأضاف الرئيس: “محدش بيتكلم في الموضوع ده كويس، ملهومش دعوة بيه، علشان محدش يزعل، وانا مش طبيعتى معاكم كده يا مصريين، إحنا قدامنا تحدى وطلعت قدامكم وقلتلكم التحدى ده خطير علينا والاستمرار عليه يدمر الدولة المصرية”.

وواصل الرئيس: “كنتوا بتتكلموا وخايفين من موضوع سد النهضة، وصدقوني البناء غير المخطط والتعدي على الأراضى الزراعية خطير مش عاوز أقول بنفس نسبة سد النهضة، بس الناس مش شايفاه، والواضح لينا موضوع المية، واللى مش واضح لينا الاستمرار في التعدى على الأراضي الزراعية والبناء غير المخطط “.

وأضاف الرئيس خلال افتتاح عدد من المشروعات القومية في الإسكندرية: “حجم الناتج اللى اتعمل خلال الفترة السابقة 10 % أو أقل، وحصل تعدي خلال نفس الفترة أو يتجاوزهم”.

جاءت تصريحات الرئيس عبد الفتاح السيسى، خلال افتتاح مشروع مجمع صوامع مدينة برج العرب بالإسكندرية بطاقة 90 ألف طن.

السيسي: مخالفات البناء تدمر الدولة ولو مش عاوزني معنديش مشكلة

الوسوم