أشاد الرئيس عبد الفتاح السيسي، بحب وحرص المصريين على بلادهم، قائلا: “هم دول المصريين اللي حابين بلدهم وحريصين عليها، مصر من دول كتير المفروض كان مصيرها مختلف، لكن بوعي وحرص وحب المصريين كانت النتيجة إن عبرنا أزمة كبيرة قوى، أزمة مصر خلال 8 سنين اللى فاتوا”.
وأضاف الرئيس السيسي خلال تفقده مركز التدريب البحرى التابع لهيئة قناة السويس بمحافظة الإسماعيلية:
“مهم قوى إن الدروس والعبر اللي الموجودة وتتحول إذا كان فيه مستلزمات ومعدات محتاجين تبقا موجودة عندنا بشكل مستمر، احنا لما كان بيتعرض خلال الـ 3 و4 سنين اللى فاتوا الكراكات الكبيرة والقاطرات الكبيرة إنهم يدبروها، كنا بنقول إن ده حاجة في صالح العمل، يتم تدبيرها بغض النظر عن الظروف او التكلفة”.
وأكمل الرئيس السيسي: الكراكة مهاب مميش واللى قبل منها دى كراكات عملاقة جاية علشان تساهم في قدرة الهيئة ومطالب العمل”.
وأضاف الرئيس السيسي: “كل المطالب اللي احنا محتاجينها علشان يبقا عندنا عناصر في ظل التطور اللى حصل في حركة السفن العملاقة، لو محتاجة معدات تانية على طول فورا نتعاقد ونجيب ومفيش أى مشكلة إن شاء الله”.
السيسي يوجه الشكر للدول التي عرضت المساعدة
وجه الرئيس عبد الفتاح السيسي، الشكر لجميع الدول الشقيقة التي عرضت المساعدة في حل أزمة السفينة الجانحة، مشددا على أن النجاح كفيل أي إرادة من أجل البناء والتنمية والتعمير.
وقال الرئيس السيسي ردا على سؤال حول التحقيق في الحادث: دعونا لا نقفز على الأحداث فيما يخص التحقيقات وما إلى ذلك، هذا الأمر بتركه لهيئة قناة السويس ولن أتدخل فيه.
وتابع الرئيس السيسي: “لكن كل الأسئلة المحيطة بالحادث ستكون محل تحقيق متعمق من الفنيين للوصول إلى أسباب الحادث، لأنه موضوع فني وقانوني مش عاوز أتدخل فيه”.
وعن شعوره خلال الأزمة، أضاف الرئيس: “أى أزمة تتعرض لها مصر بيكون لها تأثير صعب علينا كلنا لان دي بلدنا.
وأوضح السيسي: “قلت للفريق أسامة ربيع أنت واللى المجموعة اللي معاك سمعة مصر في رقابتك، الدنيا كانت محدش كان حاسس بينا، ولما حصلت الأزمة الدنيا كلها بتتكلم، كان فيه اتصال كنت عارف إن موضوع المد والحذر سيكون عامل حاسم في نجاح جهد تكريك الجانبيين الغربي والشرقي لوصول المياه الى جسم السفينة بالكامل”
وأضاف: “أصعب سيناريو هو تخفيف الحمولة وقلنا نجهز نفسنا ليه ومش مهم التكلفة”
أكد الرئيس عبد الفتاح السيسي، أن الملاحة في قناة السويس عادت بسلام وبنفس الكفاءة التي كانت عليها قبل الأزمة.
جاء ذلك خلال جولة في قناة السويس بعد انتهاء أزمة “السفينة الجانحة”.
وأكد الرئيس عبد الفتاح السيسي، أن الشعب المصرى تابع بصمت أزمة السفينة الجانحة فى قناة السويس، قائلا: “كانت حاجة خاصة بيهم كلهم وكانت كأنها ابنهم، وفى كل أزمة الشعب المصري كانوا يساند بالصمت والدعاء ويتمنى الأمان لقناة السويس والكل يتابع بدون كلام”.
وأضاف الرئيس السيسي “بمجرد انتهاء الأزمة بفضل الله سبحانه وتعالى رد فعل على مواقع التواصل ووسائل الإعلام وفرحتهم الشديدة كان لافت أوى، كانوا بسطاء ومحبين لبلدهم وحريصين عليها أن تكون في خير وسلام وعلشان كده سبحانه وتعالى يقف معانا.
ورغم الظروف القاسية خلال الفترة الماضية إلا أن الشعب المصري دائما واقف جنب بلده وجنب القيادات، لازم يستحملوا ويصبروا ولما تنتهى الأزمة بخير يعبروا عن فرحتهم وده لافت نظري من بدرى أوى”.
لمتابعة أخبار موقع نساعد عبر google news اضغط هنـــــــــــا ، صفحة موقع نساعد على الفيسبوك اضغط هنـــــــــا وموقع تويتر اضغط هنــــــــــــــا
اقرأ أيضًا
محافظ البحيرة: تقديم الدعم لذوي الاحتياجات الخاصة وتدريب العاملين على لغة الإشارة
