كتبت ــ تهاني ربيع
قال الرئيس السيسى، خلال كلمته فى افتتاح المدينة الصناعية بالروبيكى: “من حقنا نحلم، وأنا بحلم إننا نصدر بـ 100 مليار دولار خلال من سنتين إلى 3 سنوات، ونقدر مع بعض نحقق الحلم ده. ولازم نتعب مش ننام، وما تحقق خلال الفترة الماضية، خطوة على الطريق وأمامنا مسيرة طويلة لتحقيق ما نحلم به لبلدنا في مجال الصناعة”.
السيسي: لو كنا ظالمين ومعتدين مكنش ربنا وفقنا
وتابع :”عمرى ما قلت كلمة صعبة في أصعب الظروف، وافتكروا 30 يونيو 2013 وعام 2014 و 2015 و 2016.. وشوفوا مصر عاملة إزاى، بفضل الله ووعيكم تجاوزنا ذلك ومستمرون للأمام ونزداد قدرة وقوة وكثير من التحديات أعاننا الله عليها بفضل الله وشرف نبلنا وربنا بيكتب لنا النجاح، افتكروا 2013 والدنيا فى مصر كانت إزاى، طيب وبعدين؟، لو كنا ظالمين ومعتدين مكنش ربنا وفقنا، لكن بفضل الله لازم يكون النجاح هو الجائزة التي يمنحنا الله إياها، لكن بالعمل والجد والمثابرة”.
السيسي لكامل الوزير: كله بالحساب
طالب الرئيس عبد الفتاح السيسى، من الفريق كامل الوزير وزير النقل، بالبدء فى استخدام القطارات والجرارات الجديدة للمواطنين خلال فترة التنقل فى إجازة عيد الأضحى، وهو ما رد عليه الفريق كامل الوزير: “الموضوع رهن إشاراتك”، وما هو ما رد عليه الرئيس السيسى: “لا يا كامل رهن إشارة الناس وليس إشاراتى.. وحتى الناس تستفيد”، وهو ما رد عليه الفريق كامل الوزير: “الناس فى انتظار الهدية من حضرتك”، وفيما رد الرئيس السيسى: “لا.. مفيش هدايا وكله بالحساب”.
ماذا قال الرئيس عن أزمة الهبوط الأرضي بالزمالك؟
وجه الرئيس عبد الفتاح السيسي، لحل مشكلة عمارة الزمالك التى تضررت نتيجة أعمال المترو، قائلا: “نطلع التقرير ونعوض الناس وكل اللى هما عاوزينه ولا ضرر ولا ضرار “.
وقال كامل الوزير، طلع التقرير الفني وبنعمل إجراءات تأمين العمارة حقن من داخل النفق وداخل العمارة وقابلت سفير البحرين وتجولت معه بنفسى في مبنى السفارة”.
وأضاف الرئيس السيسي: “نصلح كل الضرر اللي حصل في سفارة البحرين والعمارة ونرجعه زي ما كان “.
السيسي يوجه المسؤولين بالنزول إلى مواقع العمل
وأضاف الرئيس السيسي خلال كلمته في افتتاح المدينة الصناعية بالروبيكى: “للمسئولين عن مصانع العزل والنسيج.. هستلم تقرير بحجم الأعمال والمستهدفات. المسئولين الكبار على مختلف المستويات، وتابع، انزل واشتبك، وادخل على المصانع، واتكلم مع العمال، المصري جدع أوى، لازم نفهم، وابقى قاعد فى مكتبى وسايبه لوحده لا طبعا، واجيله كل يوم وادخل قبل منه وألف أنا وأشوف الدنيا عاملة إزاى.. كل يوم”.
وتابع الرئيس السيسى: “القطر بيتاخر يا كامل أكيد لا وبيطلع فى معاده.. والمسئول كل يوم فى معاده.. 6 الصبح يكون موجود قبل العمال.. وآخر واحد يقفل ويمشى.. النجاح يا جماعة.. هو النجاح كده.. محدش يسيب المكان إلا ما يحقق المستهدفات.. ولو فيه مشكلة يحلها أو يعرضها على اللى أكبر منه ومحدش يسيب المشكلة جواه.. هتلاقينى جايلك الساعة 6 الصبح”.
السيسي عن مفاوضات سد النهضة: الأسد محدش بيأكل أكله .. ومش كلام
قال الرئيس عبد الفتاح السيسى، تعليقًا على مفاوضات سد النهضة: “نحن نتحرك فى معركة تفاوض، وهذا التفاوض بمنتهى الوضوح عملية ملء وتشغيل السد، ونعمل ذلك لتجنب الفترات الصعبة، وتجنب تأثيرها”.
وأضاف “السيسي”، “الأسد محدش بياكل أكله، والأسد مش كلام، كل واحد فى موقعه يبقا أسد صغير وكلنا نبقا أسد كبير وحقنا يبقا مش فى المية بس ومحدش يقدر يجور علينا”.
وأضاف خلال كلمته بافتتاح المدينة الصناعية بالروبيكى: “نبذل جهدنا ومستمرون في التفاوض، وهننجح في التفاوض، وهننجح بعملكم وجهدكم وإصراركم وإصرارنا للوصول لاتفاق يحقق لنا المصالح التي كنا نحصل عليها على مر آلاف السنين، أقول ذلك بسبب الاهتمام الكبير في مواقع التواصل وكذلك الإعلام وهذا الأمر طبيعي، ولكن البعض يتحدث عن موضوعات وهذا ليس مسار لمصلحة الدولة”.
اقرأ أيضًا
