كتبت ــ سهير مجدي
وجه الرئيس عبد الفتاح السيسي، باستمرار منحة العمالة لنهاية العام وإمكانية إضافة مستفيدين جدد.
وخاطب الرئيس الدكتور مصطفى مدبولي، موجهًا باستمرار تقديم المنحة للعمالة غير المنتظمة حتى نهاية العام الجارى.
وقال السياحة لسه واقفه وفي ناس ظروفها صعبة، ولو في حد جديد محتاج نشوف الأمر ده.
وقال الرئيس: “مجمع مسطرد الذى سوف يتم افتتاحه اليوم بدأ العمل فيه وتوقف نتيجة أحداث عام 2011″
وأضاف، ” علشان تبقوا فاهمين ليه عاوزينكم تتحركوا، هو مش بيقولك اتحرك علشان تهد بلدك، لا عاوز تتحرك تقوم تكمل عليها وتهدها، هى الحكاية كده”
” الدولة والشعب حاجة واحدة، إحنا بنجري وأنا رهانى على الناس، والحمد لله رب العالمين خلال السنوات الماضية كان الرهان كسبان”
وأكد أن “الإصلاح الاقتصادي لم يكن سهلا، وبفضل الله عدينا منه وحققنا انجازات الدنيا كلها ببتكلم عليها”
السيسي: ناس موجودة وكل هدفها التشكيك
“فيه ناس موجودة وكل هدفها التشكيك ويخوفوكم بيطصادوا في المية العكرة”
وتابع “لما تحركنا وبدأنا في خطة شرق العاصمة بالكامل قالوا بيعمل لصالح مصر الجديدة ومدينة نصر. مفيش كلام من ده فيه حاجة لصالح الناس”
واستكمل “علشان محدش يحاول يشتغل على الناس ويقولك هيودوكوا فين؟ .. أى ساكن في بيت يتم إزالته بيروح مكان محترم واكثر تطورا وبنعوض أصحاب الأملاك”
وأوضح: “القاهرة واخدة 380 مليار جنيه فى 7 سنين، غير الكلام اللى بيتعمل دلوقتي ، لو كان في خلال السبع سنين مش محتاجين نصرف الأرقام دى جوه العاصمة ، كنا هننفقه في مدينة تانية لأن العاصمة كانت هتبقى مستقرة، لكن حصل نمو مش مستقر”
” الدولة أنشأت 22 كوبرى في 6 أشهر فقط، على الرغم من الكتلة السكانية صعبة في تلك المناطق”
“فيه حركة للناس ومصالح ليها وكل ما ننجز العمل في وقت قصير بنريح الناس”
“لما بنعالج مسألة، كان مسار حلها قبل كده بدون إساءة لأى حد كان مختلف والتكلفة المالية ضخمة جدا”
ووجه بإعلان اشتراطات البناء “اشتراطات البناء والدنيا واقفة ودى مش من المصلحة، خلصوا اشتراطات البناء وأعلنوها للناس والمسار الجديد إزاى هنظم عملية البناء في مصر علشان الدنيا تتحرك”
“عاوز أقول للناس الاشتراطات، كان عندنا عيب في النظام خله الدنيا كده وأنا بقول كلام مهذب، كتير من بلدنا بالطريقة دى، لأن النظام اللى كان موجود قبل كده فى تنظيم البناء محتاج يتطور”
“الثمن اللى بيتدفع ده بيتحمله الشعب المصري كله، يهمنى أقول حاجة واحدة بس، براهن على الناس والمصريين طيب أنا بشكر المصريين”
جاءت تصريحات الرئيس عبد الفتاح السيسي خلال افتتاح مجمع “التكسير الهيدروجينى” بمسطرد صباح اليوم.
اقرأ أيضًا
موعد وتفاصيل حفل مؤسسة أولادنا 2020 لذوي الهمم بدار الأوبرا
برلماني: السيسي وفر فرص عمل لذوي الإعاقة وحقق لهم حياة كريمة
السيسي: الشعب والدولة حاجة واحدة ومحدش يدخل بينا ورهاني على الناس
