ما هو الموقع الرسمي لرئاسة الجمهورية لمتابعة جهود رئاسة مصر الداخلية والخارجية؟
كتبت ـ سهير مجدي
قام الرئيس عبد الفتاح السيسي بإطلاق الموقع الإلكتروني الرسمي لرئاسة الجمهورية، والذي يضم البيانات الرسمية عن المشروعات التي قامت بها الدولة في مختلف المجالات والقطاعات.
محتوى الموقع الرسمي لرئاسة الجمهورية
ويحتوي الموقع على أفلام وثائقية وبيانات رسمية لكل انجاز قامت به الدولة خلال الفترة الماضية، بجانب البيانات التي تتعلق بالمشروعات القائمة والمستقبلية، في مختلف المجالات مثل الصحة والتعليم والإنشاءات.
واستعرض الدكتور عمرو طلعت وزير الاتصالات وتكنولوجيا المعلومات، إنجازات ومشروعات قطاع الاتصالات، وذلك خلال افتتاح الرئيس عبد الفتاح السيسى عددًا من المشروعات القومية الكبرى.
وذكر وزير الاتصالات أن موقع الرئاسة، استغرق جهد كبير فى تجميع وتبويب وفهرست المادة العلمية والإخبارية المتعلقة بمؤسسة الرئاسة المصرية حيث قام على ذلك فريق ضخم من المركز الإعلامى لرئاسة الجمهورية بالتعاون مع وزارة الاتصالات.
أقسام موقع رئاسة الجمهورية
وأوضح أن موقع الرئاسة ينقسم لأبواب متعددة أولها معلومات أساسية عن الدولة المصرية، ثم معلومات عن مؤسسة الرئاسة تبدأ برئيس الجمهورية والرؤساء السابقون، وسجل كامل عن الحائزين على الأوسمة المصرية، ثم صندوق تحيا مصر ومتحف رئاسة الجمهورية، كما يضم الموقع جميع وأخبار وأنشطة مؤسسة الرئاسة، وباب عن المؤتمرات الرئاسة المحلية والعالمية، ثم المبادرات التى تطلق تحت رعاية رئيس الجمهورية، مع خدمة البث المباشر للمؤتمرات.
رابط الموقع اضغط هنا
السيسي: تسهيل حركة المواطنين في المريوطية والجيزة
قال الرئيس عبدالفتاح السيسي، إنه وجه رئيس الوزراء بتسهيل حركة المواطنين في الجيزة والمريوطية، متابعا: “لما آجي أقول لم يجد من يحنو عليه أو يرفق به، هي الحنية طبطبة؟.. لأ.. الحنية الحقيقية إننا نوفر للناس أبسط حاجة ويمشي بيسر وسلام”.
السيسي: الدولة تتكلف نحو 175 مليار جنيه في السنة؛ لرفع كفاءة شبكة الطرق في مصر
وأضاف الرئيس السيسي، أنا الدولة تتكلف نحو 175 مليار جنيه في السنة؛ لرفع كفاءة شبكة الطرق في مصر، موضحا: “لو هنصرف 250 مليار جنيه في 4 سنين أو 3 نعوض الخسائر دي”.
وأكد الرئيس أن الدولة حينما توقف البناء لا يعني أن المسؤولين ضد مصالح الناس، متابعا: “أربط بين اللي بتفكر فيه والمصلحة العامة للدولة والناس.. جزء شرق القاهرة يحتاج 25 مليار جنيه لتوسعته، وبنوسع الطريق من 3 سنين، ونلاقي نفسنا عاوزين نوسع تاني علشان نستوعب حجم الحركة، بس كل ما هنبني في مكان العمارة دي الناس هتمشي فين وإزاي؟”.
وجه الرئيس عبدالفتاح السيسي رسالة إلى المصريين، ووعدهم بإصلاح كل الأخطاء الناتجة عن تعديات بعض المواطنين احتراما وتقديرا لهم، “مش هسيبكم.. الغلط هصلحه واللي مش مظبوط هيرجع مظبوط تقديرا واحترما وحبا فيكم يا مصريين”.
وأضاف الرئيس: “أنتم قولتولي من الأول إحنا معاك مع بعض هنعمل.. يبقى تعملوا معايا الصح.. وعلشان نشيل من الجزر الخضراء في مدينة نصر علشان نخلي الحركة أسهل على الناس بيكلف 600 مليون جنيه.. فرحان إنك بتبني وتكسب لكن بتأذي بلدك”.
قال الرئيس عبد الفتاح السيسى، أن حجم الأراضى التى اتخذت من الوحدات العسكرية والهيئة العربية للتصنيع من أجل محور طريق السويس، تقدر بـ 3 مليارات جنيه.
وأضاف السيسى، خلال كلمته، باحتفالية افتتاح عدد من المشروعات القومية الكبرى: “محور طريق السويس كان يستحيل توسعته إلا لو خدنا أراضى من القوات المسلحة والهيئة العربية للتصنيع، حجم الأراضى اللى اتاخدت على طول الطريق قيمتها أكتر من 3 مليارات جنيه.. خدنا وشلنا أسوار ودخلنا داخل الوحدات العسكرية بمساحة 25 مترا بطول الوحدات بالكامل”.
وتابع الرئيس: “لكن لو فيه مساكن ناس كنا هنضطر نعوض الناس كلها .. بقول وأكرر ذلك عشان تساعدونا لأن الأموال التى تنفق لإصلاح ما نحن فيه أموال ضخمة جدًا ولن نتردد فى إنفاقها بس انتوا ساعدونا”.
وواصل السيسى حديثه: ” طريق السويس كان حارتين، وكان يكلف المواطنين وقت ووقود ووجع قلب.. والرفق أننا نسهل حياتكم على كدا ما نقدر.. لو عاوزين نحل المسائل الموجودة فى مصر عاوزين أرقام هائلة جدًا.. عاوزين تريلونات كتير أوي.. عشان نقدر نحل كل المسائل فى كل حاجة.. وإحنا متحركين وناجحين وبأمر الله هنكمل ونشوف.. ومنظومة مراقبة سرعة السيارات لازم نعملها عشان نحكم حركة الناس”.
السيسي: الدولة تسعى لاستخدام أحدث النظم التكنولوجية على الطرق والمحاور الجديدة
أكد الرئيس عبد الفتاح السيسى، أن الدولة تسعى لاستخدام أحدث النظم التكنولوجية على الطرق والمحاور الجديدة، مشيرا إلى أن هذا النظام يهدف إلى حماية المواطنين ومراقبة الحركة المرورية لمنع المخلفات المروية.
ستفسر الرئيس عبدالفتاح السيسى عن عدد من العمارات بجوار أحد الكبارى، وقال الرئيس: “عاوز أقول حاجة عن العمارة دى نقطة مهمة هى مش بس فكرة إنها مشوهة الكوبرى، لا، أنت عاوز تعمل حركة سطحية مستريحة، لأنها منطقة مكتظة بالسكان”.
قال الرئيس عبدالفتاح السيسى، إن تكلفة إزالة الجزء الخضراء وإعادة تأهيل شوارع مدينة نصر تتكلف من 500 إلى 600 مليون جنيه، لتسهيل الحركة على الناس”، مضيفا: “لو انت احترمت الارتفاع المطلوبة فى مدينة زى مدينة نصر التخطيط كان بيقول 4 أدوار وجراج، مبقاش 3 اربع أدوار وبقا 13 و14 دور والجراج بيتعمل بشكل معين ميبقاش صالح للاستخدام والعربيات تقف فى الشارع، يضطر عربية صغيرة تدخل الشارع”.
السيسي: فرحان أنك بتبنى 14 دور علشان يبقا ليك عائد ومكسب لكن أنت بتأذى بلدك
ووجه الرئيس عبدالفتاح السيسى، خلال افتتاح عدد من المشروعات القومية، حديثه للمخالفين قائلا: “فرحان انك بتبنى 14 دور علشان يبقا ليك عائد ومكسب، لكن انت بتأذى بلدك، بقول الكلام ده مش نظرة سلبية لا احنا زى الفل وهنعمل حاجتنا وبس خالوا بالكم مش هاسيبكم وكل حاجة غلط هصلحها بفضلك يا رب وكل حاجة مش مظبوطة هترجع مظبوطة زى الدول تقديرا واحتراما ومحبة فيكم يا مصريين تعود مصر دولة كما ينبغى أن تكون”.
وواصل الرئيس السيسي حديثه عن المبانى المجاورة للكباري: قائلا: “بصوا على العمارة دى، وغيره، الناس دى هتقعد فين وهتتحرك ازاى، ولو عندها عربيات هتحطها فين، كام دور مين إداله الترخيص؟ ده هو ملوش ذنب، هل الناس اللى موجودة فى الحى مش فكرة فساد الموضوع مش فساد الموضوع أن الناس مش عارفة هى مين؟، سواء كان رئيس حى أو محافظ، انا بتكلم بصفة عامة مش على القاهرة بس، محتاجين نتعلم نواجه مشاكلنا ازاى؟، الكلام ده انا بشوفه لما انزل اتمشى بالعربية وأشوف الدنيا فيها ايه فى بلدنا انا مش بعيد عنكم، بشوف احنا اللى عاملين المشكلة لنفسنا احنا اللى ساكتين بتديله ليه ترخيص وبالحجم ده ليه، مش فيه استيعاب وعلم بيقول انك لازم تعمل حسابك للحركة للناس اللى هتسكن المنطقة”.
جاءت تصريحات الرئيس السيسى خلال افتتاح مجموعة مشروعات تطوير منطقة شرق القاهرة، وقصر البارون بعد ترميمه، وكذلك مطارى سفنكس والعاصمة.
