” أنا بشتغل باليومية، لكن مش بقدر انزل كل يوم، جسمي مش مستحمل المجهود ده” بدأ الشاب محمد سمير حديثه لموقع “نساعد” بهذه الكلمات، وتابع ” كنت بحاول أشيل نفسي ومكنش عبء على حد، لكن الشلل اللي عندي مانع إني اشتغل في حاجات كتير.
وأكد إنه عمل في المهن باليومية، لكن إعاقته تسببت في تقليل إنتاجه، مما يقلل من فرص الاستمرار في العمل، وقال: “محدش بيستحمل الشغل القليل، ولا حد بيقدر قلة الحركة”
وكشف محمد عن رفض وزارة التضامن الاجتماعي منحه معاش، في برنامج تكافل وكرامة، وقال إن الموظفة المسؤولة في مكتب الشؤون الاجتماعية رفضت الطلب، بعد تقديم شهادة بنوع الإعاقة، وإثبات عدم قدرته على العمل بشكل مُنتظم، بمصدر دخل ثابت يحقق له حياة كريمة.
وقال “سمير”: “الموظفة قالت إزاي عندك عربية وجي تقدم على معاش، وتابع بصوت باكي، العربية دي أنا جبتها أيام الرخص عشان أقدر اتحرك، هي مخصصة للمعاقين، بسوقها بإيدي بس، لو أنا مش عندي العربية دي مش هقدر أنزل ولا أروح اشتغل حتى عامل باليومية. وفي الأخر رفضوا الورق ومخدتش معاش ولا عارف ألاقي شغل”
واستكمل سمير : “دلوقت مقدم على كشك، في العاشر من رمضان، عشان أعيش منه، قالوا المحافظ رفض الأكشاك اللي بتتفك وتتركب، وأتم ” نفسي بس يوافقوا على الكشك ده، يبقى عندي مصدر رزق”
