قال الرئيس عبد الفتاح السيسي، إنّ الدولة لا تنتظر عوائد من إنشاء المجمعات الصناعية، وأضاف خلال افتتاحه مشروعات قومية بمحافظة الصعيد، اليوم السبت: “أنشانا مجمعات صناعية بـ10 مليارات جنيه.. لو الفلوس دي البنك هتجيب مليار جنيه”.
وأشار إلى أنّ الدولة لا تنتظر أموالًا من تلك المشروعات، لافتًا إلى أنّ المستثمر يدفع فقط 10 آلاف جنيه (جدية حجز).
ووجه الرئيس، المحافظين بالعمل على حل المشكلات التي قد تعرقل العمل في هذه المجمعات الصناعية.
مازح الرئيس، أحد المقاولين الموجودين في افتتاح عدد من المشروعات التنموية في الصعيد، قائلا: “تشتغل في دشنا وتخلصه بعد سنة؟ طيب تاخد الفلوس بعد سنة؟ يا حاج سعيد..أحرجتك ؟ هديلك جزء.. ورد الحاج سعيد قائلا: “اللى سيادتك تؤمر بيه”.
وقال الرئيس لأحد المقاولين ويدعى هاني تادرس:” تخش تعمل كوبرى دار السلام؟.. طيب هتاخد %25 والباقى لما تخلص، فرد قائلا: “مستنى أوامرك يا ريس”.
وجه الرئيس، بمساعدة النماذج الناجحة وغير الناجحة، قائلا خلال افتتاح عدد من المشروعات التنموية فى الصعيد:”اللى ينجح أكتر نساعده أكتر.. واللى مينجحش نساعده أيضا”.
السيسي: لسه المشوار مخلصش التطوير والتحديث مبينتهيش
وقال الرئيس: “لسه المشوار مخلصش، التطوير والتحديث مبينتهيش، فيه الدعم الفني بمدارس ومكاتب استشارية، وموظف من التجارة بالتنسيق مع المحافظة للمجمعات، والمحافظ يقدر ينظم عملية النقل علشان الناس اللى بتفتح تجد وسيلة انتقال كويسة”.
السيسي: نستهدف تحقيق الاكتفاء الذاتي للسوق المحلى
قال الرئيس، إننا نستهدف تحقيق الاكتفاء الذاتي للسوق المحلى، مضيفا: “لما ألبس قميص من مصر وكل المستلزمات الأخرى بكده بمستوى بره يبقا كده وفرت فرص عمل وعُملة صعبة وزودت الناتج المحلى”.
وأضاف الرئيس: “نرجع لتجربة تانية بتاع مدينة الأثاث عملنا نفس الكلام، لكن تحرك الناس من دمياط لمدينة الأثاث مكنش بالسرعة اللى إحنا عاوزينها، فيه حاجة عندنا المفروض كنا وفرلنالهم منشآت ومستلزمات الخشب، لما متعملتش الراجل في المدينة بيجيب الحاجة على رجله هناك هيركب مواصلة.. صرفنا مليارات ومُصرين على النجاح مش علشان ننجح فكرتنا.. المنتج المحلي منتج كويس، وقد يكون قوى، لكن تحتاج المنافسة بيه داخل وخارج مصر.
وتابع الرئيس: “لو مكونتش يا مصنع تطور، وهنساعدك ولو محتاجين تجيبله ناس من بره تطور الأذواق مستعدين، اوعوا تفتكروا وإحنا بنعمل منطقة صناعية مستنيين حاجة، الـ 10 مليار لو موجودين في البنك هايجيب مليار جنيه.. تفتكروا إيجارات المجمعات هيجيب كده؟”.
السيسي: معندناش مشكلة إن إحنا نعمل والناس تشتغل
قال الرئيس: “معندناش مشكلة إن إحنا نعمل والناس تشتغل، التفريق مشكلة عندى، ومحبش أفرق فلوس على الناس ده كلام مش مظبوط..عاوزه يكبر ويثق في نفسه ويكون عنصر داعم للاقتصاد المصرى.
وأضاف الرئيس:”مش عاوز أديله السمكة عاوزه يصطاد”.
وجه الرئيس، بتقنين أوضاع المصانع الغير مرخصة، مضيفا: ” كل يومين أبص الاقى وزارة الداخلية ماسكة مصانع بدون ترخيص، كان بيتعمله قضية، قلت يا جماعة دي ناس حاولت تشتغل حتى لو كانت طريقتهم مش مظبوطة طيب انا اخليه مظبوط”.
وأضاف الرئيس: “اشرعنه واقنن وضعه، مسكناك غلط تعالى نعمل الصح، لو مسكتوا مجموعة مصانع في القاهرة طيب أقرب منطقة فين؟، أقله تعالى اتحرك واشتغل ووقنن وضعه ومش بنقنن الوضع علشان اخد منه حاجة، واوعا تكون فاكر أن بنتصيد الغلط.. انت حاولت حتى لو غلط، إحنا معاك في المحاولة بس متعملش غلط.. قولى الموضوع ده حجم المصانع قد إيه وحجم الاشغال؟، اطمن بقا على التسويق هل إنتاجه ده قدر يبقا ليه نفاذ في الأسواق ولا إيه؟.
وتابع الرئيس السيسي: “بطرحه على الناس علشان تسمعنا علشان تعرف أن الحركة بناء مش حساب.. القضية أن عاوزك تبقا كبير وحاجة حلوة قوى في مصر، تعالى نشتغل سوا أنا مش باصص على الإيجار ولو عاوزين تخفيض أكتر من كده ماشى، اوعوا تفتكروا أن لما جينا نتكلم عن المجمعات الصناعية لما اتكلمنا عليهم قولنا نعمله علشان نوفر وقت للناس.
وأكمل الرئيس: “بوفر الأرض وارفقها وابنى عليها واديك الترخيص كمان يعنى تلاتة أربع المشوار، طيب انا اقدر اعمل تاني مجمعات زى دى؟، قوى سهل خالص نقدر نعمل قد ده 10 مرات”.
السيسي: الدولة تنفذ نموذجا جيدا خلال العمل في مجال الصناعة
أكد الرئيس عبد الفتاح السيسيي، أن الدولة تنفذ نموذجا جيدا خلال العمل في مجال الصناعة، الروبيكى نموذج قابل للنجاح في ظل التطور الكبير الذى يشهده العالم، قائلا: “بقول الكلام ده للناس اللى شغالة في الصناعة.. لازم نعمل حاجة قابلة للنجاح.. التطور مش في مصر بس.. ده في الدنيا كلها.. حد هيجى يقولك الاشتراطات البيئية انت عامل فيها ايه.. فيه كلام كتير”.
السيسي: أنا شايف الصح وصاحب المصلحة أن البلد تطلع قدام
وأضاف الرئيس: “ممكن البضائع كويسة ويصعب إنفاذها في الأسواق الخارجية.. تجربة الروبيكى مش نجحت إلا لما الدولة تدخلت.. الروبيكى تجربة نجحت لما الدولة دخلت.. وجه المهندس طارق – وزير الصناعة وقتها- قالى مش قادرين ننقل الناس.. انقل الناس على حسابنا.. قولتله ننقلهم على حسابنا .. قولتله ماشى.. ودفعنا 100 مليون جنيه على حسابنا.. حد تانى يقول لا انتم بتدلعوا”.
وتابع الرئيس عبد الفتاح السيسي: “بنديله المكان اللى قاعد فيه وكل حاجة، بناخد الناس على قد تجربتهم، أنا شايف الصح وصاحب المصلحة أن البلد تطلع قدام، والناس تغنى ويبقى عندها طاقات وعمر الصناعات البسيطة ما تعمل غنى”.
افتتح الرئيس، اليوم السبت، بتقنية الفيديو كونفرانس، مجمعين صناعيين في محافظتي الأقصر وبني سويف.
والمجمعان هما المنطقة الصناعية بمدينة البغدادي بمحافظة الأقصر، والمنطقة الصناعية بمدينة بياض العرب في بني سويف.
وصرح المتحدث الرسمي باسم رئاسة الجمهورية، السفير بسام راضي، بأن افتتاحات المشروعات القومية اليوم تأتي ضمن فاعليات “أسبوع الصعيد” في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددا من المجمعات الصناعية والمحاور والطرق لا سيما المحاور العرضية على نهر النيل.
لمتابعة أخبار موقع نساعد عبر google news اضغط هنـــــــــــا ، صفحة موقع نساعد على الفيسبوك اضغط هنـــــــــا وموقع تويتر اضغط هنــــــــــــــا
اقرأ أيضًا
