أكد الرئيس عبد الفتاح السيسي أن مشروع مستقبل مصر قريب من كل الأسواق في القاهرة والجيزة والإسكندرية قائلًا «اللى هقوله صح ولا غلط وزير الزراعة يشرح لنا، مش هقدر ازرع القمح في الأرض كلها باستمرار، لازم دوره زراعية، محتاج دائما مش تقول نفس الأرض كل سنة قمح قمح قمح»
نص كلمة الرئيس عبد الفتاح السيسي اليوم 21/5/2022
تحدث الرئيس عبد الفتاح السيسي، عن الجماعات التي تردد الأكاذيب والشائعات حول الدولة المصرية والمسئولين، قائلا: «فيه جماعات تردد الكذب بكلام لا يليق، كلام كله كذب وبهتان وإفك، مش ممكن، ولكن ربنا موجود ومطلع وشايف، مفيش كلمة بتتقال وتكتب إلا وصاحبها حسابه على ربنا، إذا كنت تؤمنوا بوجود ربنا، ربنا اللى هيحاسب، كلام كله افك وبهتان على الناس، ده مؤمن بوجود ربنا، الكلام ده هيحاسب عليه»
وأضاف الرئيس «الكلام ده اللى بيتقال في حق المسئولين صدقة جارية، يعنى كل مسئول يساء له ويتقال فيه كلام مش مضبوط كذب، أو حتى من الموضوعات دي كذب، سواء كنت تقصد أو لأ».
وتابع الرئيس السيسي: «لأنى قولت قبل أن المرء ليصدق حتى يكتب عند الله صديقا، لا تبلغ ما لا تعلمه، يعنى مش سمعت حاجة تروح مرددها، طالما هتنشر لازم تذاكر كويس، أعراض الناس لما يساء ليها، دي صدقة جارية عنهم، كل ما يقرأها المسئول يلاقي الأجر جاي له، اصلهم شتموتك وأساءوا إليك، ودي أجر الإساءة، الحكاية مع ربنا، ده مثقال ذرة خيرا يري، ومثقال ذرة شرا يري، كل واحد أجره على الله»
أكد الرئيس عبد الفتاح السيسي، أن حجم النمو الموجود داخل الدولة لا يناسب حجم النمو الزراعي، قائلا: “نسعى لتوفير الإنتاج المطلوب، وقولت قبل كده لو كان عددنا 40- 50 مليون شخص كان الإنتاج يكفي ولا نحتاج إلى الاستيراد، حجم النمو السكاني لا يتناسب مع حجم النمو على مدار السنين اللى فاتوا، الكلام اللى بنعمله ده تكاليفه ضخمة جدا، نقاش هنا، بتتكلفوا هنا، وهرد عليك واقولك عندك بديل تاني، ده فرص عمل، وكل فدان يشغل قد إيه؟.
السيسي: كل موضوع وراه حكايات كبيرة أوي
وأضاف الرئيس السيسي، خلال كلمته في افتتاح مشروع “مستقبل مصر” للإنتاج الزراعي: “الدراسات بتقول إن فيه محافظات من أكثر الاحتياجات، طب أنا اعملك فرص عمل تيجى تشتغل هنا، وترجع بقرشين تصرف على البيت، الهدف مش بس تلبية الطلب، كمان أوفر فرص عمل، وممكن اعمل معاها تصنيع زراعي، استفيد من المنتج أكبر استفادة ممكنة، إحنا بنتكلم عن زراعة 60 ألف فدان، دي حكايات وبشرح علشان أوصل الحكايات لينا، اللى معرفش يعرف، واللى مش متعلم يتعلم، أنا بقول كلام صعب، اللى مش متعلم يتعلم، يعرف يعنى إيه بلد الـ100 مليون على أرض مصر مش عايشين كده، كل موضوع وراه حكايات كبيرة أوي”.
أشاد الرئيس عبدالفتاح السيسي، بكفاءة القطاع الخاص، قائلا: “ثبت أن القطاع الخاص قادر على إدارة عمله بكفاءة عالية”، مضيفا: “من 50 سنة كانت الحكومة بتوظف لكن خلاص، ثم إن التجربة والمسار عمل إيه؟ يا ترى كان لصالح الاقتصاد والتشغيل؟، ولا كان عبء على الدولة وتقدمها”.
وأضاف الرئيس السيسي، خلال افتتاح مشروع مستقبل مصر للإنتاج الزراعي، :”أنا عرفت وبجرى عليها، أنا قايل مين الشركات المصرية اللى عندها استعداد تعمل الصوب؟، علشان أعمل 15 ألف فدان لأن إنتاجهم مش زى إنتاج الفدان العادي، يبقا أنا وفرت نص المياه، وشغلت ناس .
وتابع الرئيس: “توفير فرص عمل 900 ألف بينزلوا سوق العمل سنويا، طيب محدش قال الناس دي هتعيش إزاي؟، الشغل اللى انتوا شايفينه ده اللى بيعمله ويديره كنت اتمني المستثمرين يقوموا بالشغل ده بس مقدرش أقولهم اعملوا البنية الأساسية للمشروع ده، لكن أنا هأخد ألف فدان وأزرعه طبقا للدورة الزراعية ليك وللبلد علشان تحقق أرباحك”.
وأكمل الرئيس: “مزرعة اللاهون في الفيوم كانت من المحافظات اللى محتاجة تشغيل كويس.. 30 الف بنى أدم ياخد قرشين يعيش بيها هو وأسرته برضه”.
قال الرئيس عبد الفتاح السيسي، إن الصوب الزراعية بالنسبة لي محطة تحلية، بدل ما اعمل محطة تحلية واخد المياه ازرع بيها، قولت نعمل الصوب الزراعية، بياخد كمية مياه أقل من الفدان اللى بيتزع حتى ري حديث، لو كنت بزرع 10 -20 ألف متر مياه في السنة، بالصوب الزراعية الكمية تنخفض بنسبة 50-60 %”.
وأضاف الرئيس السيسى، خلال كلمته في افتتاح مشروع مستقبل مصر للإنتاج الزراعي: “الفدان يتكلف مليون جنيه وأكثر، بنية أساسية بس، الصوب الحديد كانت بمليون جنيه لتغطية 16 ألف فدان بـ 16 مليار جنيه، كمية الـ 16 ألف فدان يساوي 4 آلاف فدان وحجم التشغيل، نظريا طرح الموضوع من 4 – 5 سنين 50 ألف فدان صوب زراعية وبعدين نتكلم عن 100 ألف فدان”.
السيسي: الأرقام المطلوبة دي اتحققت
وتابع الرئيس السيسي: “الأرقام مش موضوعية خالص، هتتكلف الفدان وفق مشروع الصوب مليون ولا 2 مليون هيجيب كام، المستثمر يقولك مش هعملها إلا كنت هتصدر، التصدير لأنه الكيلو هنا مثلا بـ 5 جنيهات 10 جنيهات، بس في التصدير بنتكلم عن 2 و3 يورو، ده منطق اقتصادي نحترمه”، متابعا: “لكن الدولة لها مسار آخر، هتفضل تقول كلام مش يتعمل، وتقول حلول مش تتنفذ، تقول حلول والنتيجة صفر، لانك قولت مش تابعت ومش نفذت، الأرقام المطلوبة دي اتحققت”.
كما رحب الرئيس عبد الفتاح السيسي، بالإعلاميين المشاركين في حفل افتتاح مشروع «مستقبل مصر» للإنتاج الزراعي، قائلا: “أهلا بأهل الإعلام، والقصة هنا قصة المعرفة وإدارة جيدة، حد يقول ليه بتدخل البرامج (برامج التوك شو)، ويقول هل عنده وقت؟، أنا عندي وقت عاوز اعرف هنشكل فهمنا ووعينا للناس إزاي، عاوز الإعلاميين وضيوفهم لما يتناولوا قضية بشكل شامل وعميق، بيحث اللى يسمع يستفيد، ولا محتاجين نعزز الكلام أكثر ونلقي الضوء عليه أكثر”.
وأضاف الرئيس عبد الفتاح السيسي، خلال كلمته في افتتاح مشروع “مستقبل مصر” للإنتاج الزراعي: “الكلام اللى بيقولوا هنا وفى افتتاح المشروعات المختلفة أنا حافظه.. مش عاوز أقول كده، لما بقف هنا واقوله، وبقول 100 ألف فدان صوب، 100 مليار جنيه للصوب، في تحدي لبلدي وأهلي وناسي، أنا عرفت وبجري عليها.
وتابع الرئيس عبد الفتاح السيسي: “ليه سيدنا يوسف ساب القمح في سنابله، لو كان عمله حصاد وبقي موجود كمحصول، مش يستحمل 3-4 سنين ويتلف، والذرة مش يستحمل التخزين لانها تحتاج إلى التجفيف، بنتكلم عن دول متقدمة بتوفر لنا ذرة، لكن بعد تجفيفه وعلشان يتحمل النقل والتصدير والتخزين بعد كده، وقبل كده ده مكنشي بيتعمل على مسطحات ضخمة، المجففات اللى بتكلم عليها، بنقول كده علشان نعزز ونضيف قيمة للذرة”.
لمتابعة أخبار موقع نساعد عبر google news اضغط هنـــــــــــا ، صفحة موقع نساعد على الفيسبوك اضغط هنـــــــــا وموقع تويتر اضغط هنــــــــــــــا
اقرأ أيضًا
السيسي: نسعى لتوفير المحاصيل الزراعية ولو عددنا 50 مليون كان الإنتاج يكفي
السيسي: بدل ما أعمل محطة تحلية وأخد المياه ازرع بيها قولت نعمل الصوب الزراعية
