كتبت ــ زينب صالح
وجه الرئيس عبد الفتاح السيسي، عددًا من الرسائل للشعب المصري خلال كلمته اليوم 11 أكتوبر 2020.
وقال الرئيس السيسي، إن الحروب المباشرة كانت تستخدم في الماضي لإسقاط الدولة وهزيمتها وعرقلة تقدمها.
وأضاف السيسي، أنه الآن هناك أجيالاً جديدة للحروب تتعامل مع قضايانا وتحدياتنا.
ويعاد تصديرها للرأي العام في مصر، لتحويل الرأي العام لأداة لتدمير للدولة.
قال الرئيس عبد الفتاح السيسى، إن عدم الإنفاق وتوفير مطالب المواطنين سوف يتم تصويره على أنه فساد في إدارة الدولة على عكس الحقيقة.
عبد الفتاح السيسي: المؤامرات تستدف أمن واستقرار مصر
وحذر الرئيس عبد الفتاح السيسي المصريين من المؤامرات التي تحاك ضدهم، وضد مصر.
وأوضح الرئيس أنها تستهدف أمن واستقرار مصر من الداخل والخارج.
وقال الرئيس عبد الفتاح السيسي خلال الندوة التثقيفية للقوات المسلحة ال32 للقوات المسلحة: “أنا بقولكم أنكم دايما مستهدفين، وبالمناسبة عاوزين ترتاحوا من اللى بيتعمل فيكم ده، كل يوم، اتصالحوا!”
ووجه حديثه للدكتور مصكفى مدبولى قائلًا: “نعمل إيه يا دكتور مصطفى، نتصالح، أنا مقدرشى أتصالح، مقدرش اتصالح مع اللي عاوز يهد بلادي ويؤذى شعبي وولادى”.
وأضاف السيسي :”لو اختلفت معايا اختلاف كده وكان على أد الاختلاف أهلا وسهلًا”
وتابع: “لكن علشان تخش تقتل وتدمر وتضيع 100 مليون اقدر أتصالح إزاى، إذا كان شعب مصر هان عليك.
الأطفال وسيدات مصر والكبار هانوا عليك، مستعد تشردهم وتوديهم يتقتلوا ويبقوا لاجئين، ومخوفتش ومقولتش بلاش لأجل خاطر الناس في مصر”.
وأضاف الرئيس السيسي: “القضية الموجودة اللى قلقان منها ودايما بأكد عليها هي الحفاظ على بلدنا، كتير من رجال السياسة والمثفقفين في أعقاب 2011.
قعدت معاهم واتكلمت معاهم، القضية مكنتش قضية تغيير، قد ما هي قضية فهم حقيقى لحجم التحديات التى تواجه الدولة”.
وأكد الرئيس، على أن “مصر لا يمكن القضاء عليها بحرب من الخارج”.
عبد الفتاح السيسي: لا يمكن قبول تدمير الدولة المصرية
وأشار الرئيس السيسى، إلى أنه لا يمكن قبول التدمير والإيذاء للدولة باعتباره الحل، مضيفاً: “الكلام ده قولته وفيه تسجيلات وأنا وزير للدفاع، التوعية مهمة بحجم التحديات داخل الدولة المصرية، والناس لها آمال وأحلام، والدولة قد تكون غير قادرة على تحقيقها”.
وأضاف الرئيس، “اللى يبقا عاوز يضيع 100 مليون علشان يصل لمكان يتصور أنه يعمل بيه دولة، دولة تقوم إزاى؟”
وتابع: “دى دولة ماقامتش بقالها 150 سنة، انت فاهم الحكاية؟ فاهم يعنى إيه دولة”
وأضاف، “طيب والله العظيم وأنا صادق، إن شاء الله أنا قعدت مع كل الناس دي سنة ونصف قبل انتخابات 2012”
وأردف، “وسألتهم هتعملو ايه فى مشكلة التعليم والصحة والإسكان والازمة الاقتصادية، أنا والله العظيم ملقيت إجابة”
واستكمل، “يعنى أنت عاوز تتصدى لدولة تمسكها وأنت مش عارف تحدياتها وإزاى هتحل المسالة”
وقال، “بقول لكم الكلام ده علشان كلنا نمسك فيها، طيب احنا هنقدر نحل المسالة، أيوه طبعا، علشان إحنا نبذل أقصى جهد عندنا”
وأضاف، “وربنا قال واعدوا لهم ما استطعتم واحنا بنعمل ما استطعنا فلابد يبقا فيه إيه؟ يبقا فيه نصر، النصر ده ايه؟، بناء وتنمية وإعمار وإصلاح ونجاح فى كل المجالات”.
وقال عبد الفتاح السيسى: “الدكتور مصطفي بيتكلم على الموازنة وعجزها، وأنا هتكلم على هل الموازنة بغض النظر على عجزها قادرة على تحقيق آمال الناس؟”
وأوضح، “لو دخلك ألفين جنيه ومصاريفك ألفين و500 جنيه يبقى العجز عندك 500 جنيه، بس أنت عاوز 5 آلاف”
وتابع، “وبالتالى الدولة عليها الإنفاق، والدولة عاوزه كام؟ ومصر عدد سكنها 100 مليون.
وتراكم عدم الصرف على مدار 15 سنة يترتب عليه تحديات خطيرة فى كافة المجالات فى التعليم والصحة وغيرها”.
السيسي: عدم الإنفاق وتوفير مطالب المواطنين يتم تصويره أنه فساد عكس الحقيقة
وأوضح الرئيس عبد الفتاح السيسي أن عدم الإنفاق وتوفير مطالب المواطنين سوف يتم تصويره على أنه فساد فى إدارة الدولة على عكس الحقيقة.
وأضاف، “التحديات الموجودة داخل مصر كبيرة، إحنا بنواجه تحديات قادرين على أننا نتغلب عليها، ونشتغل ونبذل جهد ونستحمل من خلال الاستقرار والعمل”.
وأشار الرئيس إلي أن القضية الآن داخل الدولة المصرية هى الحفاظ على النظام.
وتابع، “بقولكم كده عشان تدرسوا الكلام ده بمدارسكم، وتقولوا للجنود يقولوا لأسرهم، القضية المهمة هى استقرار الدولة علشان تقف على حيلها”.
وأضاف: “فى 2011 التجاوز اللى تم فى كل القطاعات، وسرقة خطوط سكة حديد، وسرقة خط الواحات.
لو أكون عاوز أهد الدولة دى أحرك شعبها وأحوله إلى أداة لتدمير الدولة.
وهذه القضية التي تهمنا بالدولة، صمود الدولة واستقرار الدولة وثبات الدولة، والجيل الرابع والخامس من الحرب موجود ومستمر وكل يوم يطلع جديد.
وهى قضايا لاستفزاز الرأى العام للتشكيك فى قدرات قيادته والتشكيك فى جيشه”.
جاءت تصريحات الرئيس عبد الفتاح السيسي، خلال الندوة التثقيفية الـ 32 للقوات المسلحة، التي عقدت اليوم الأحد، في إطار احتفالات مصر بانتصارات أكتوبر المجيدة.
اقرأ أيضًا
قانون التأمينات والمعاشات .. التطبيق وشروط الخروج معاش مبكر والتعويضات
سعر الدولار اليوم في مصر تحديث يومي والذهب الأحد 11 أكتوبر 2020
