السيسي: مصر مش زي أمريكا وفرنسا وهنشتغل للخروج من الفقر

قال الرئيس عبد الفتاح السيسي، إن مصر أنشأت أكثر من 300 ألف وحدة سكنية، لافتًا إلى استمرار العمل؛ حتى نصل إلى مليون وحدة سكنية.

وأوضح السيسي، خلال جلسة “تجارب تنموية في مواجهة الفقر” ضمن فعاليات اليوم الثالث لمنتدى شباب العالم بشرم الشيخ، في نسخته الرابعة، الذي يعقد تحت شعار “العودة معًا”، الهدف مما سبق، قائلًا: هنفضل نتحرك عشان نخرج من دائرة الفقر، زي ما اتقال الفقر المتعدد، أوفَّر فلوس فقط، لأ، أدخل كدولة بإجراءات تحقق معالجة هذا الفقر المتعدد، تعليم وصحة ودخل وسكن مش جيد، الـ300 ألف وحدة دول، كنا بنجهزهم ونأثثهم في دولة ظروفها الاقتصادية متواضعة.

وأضاف رئيس الجمهورية: إحنا مش من الدول الغنية يعني، زي الولايات المتحدة وإنجلترا وفرنسا، ماقولناش مش هنقدر نعمل حاجة، قُلنا ده فقرنا، ونفرش لهم فرش يليق بهم، حتى نخرجهم من حالتهم، كنت أتمنى وكلامي للمنظمين والمسؤولين عن المؤتمر، ادوا فرصة للشباب بره مصر يشوفوا تجربتنا، كل وحدة فيها 3 غرف، عشان احنا ظروفنا وعدد الأسر كبير شوية.

واستطرد السيسي: هنفضل نشتغل ونشتغل ونشتغل حتى نخرج من هذا الفقر، لما جت الجائحة وقُلنا تقدير موقف الدولة، إن كل دولة بتتعامل مع معطيات خاصة بها، مفيش دولة زي التانية، طب هناخد بإرشادات الصحة العالمية، عشان دول أهلنا، وأطلقنا حوافز بـ100 مليار جنيه في وقت مبكر جدًّا عشان القطاعات اللي تضررت، عشان نحافظ على الشركات القائمة بالفعل، واللي عليها أموال للكهرباء، بشرط إنهم يحافظوا على العمالة اللي عندهم.. لأ معملناش كده؟

السيسي: مصر أنفقت 6 تريليون جنيه للخروج من الفقر خلال 7 سنوات

قال الرئيس عبدالفتاح السيسي، إن الحكومة المصرية أنفقت أكثر من 6 تريليون جنيه للخروج من “متاهة الفقر” خلال الـ 7 سنوات الماضية.

جاء ذلك خلال كلمته بالجلسة النقاشية تحت عنوان” تجارب تنموية في مواجهة الفقر”، ضمن فعاليات منتدى شباب العالم، الأربعاء.

وأضاف الرئيس أنه عندما تولى الحكم لم يكن أمام الدولة المصرية سوى محاربة الفقر، بالعمل بإتقان وإيمان، متابعا: “مفيش حل تاني، الشغل اللي اتعمل مش شغل رئيس، ده شغل دولة وحكومة وشعب، خلال 7 سنين، أنفقنا عشان نخرج من متاهة الفقر، تقريبا أكتر من 6 تريليون جنيه، أي 400 مليار دولار”.

وتابع: “كنا بنتكلم مع الشركات اللي اشتغلت في قطاع واحد (النقل) كانت 4500 شركة، وتعاقداتها كانت بتريليون و100 مليار جنيه”.