اهتم الكثيررون بكلمة الرئيس السيسي اليوم 28 / 2 / 2022، خاصة بعدما استعرض خلال حديثة عدد من القضايا الهامة والأمور التي تشغل بال المصريين خلال الفترة الأخيرة.
قال الرئيس عبد الفتاح السيسي، إن القضية مشتركة وليست قضية سلطة، مفيش نظام في مصر، انا زيكم ومعاكم ومنكم، ولو مش قادر والله والله والله هديكم التحية وأمشى، هنعملها مظبوط كلنا، اللى مش قادر يواجه ويجابه ده، دى أمانة قدام ربنا، مستقبل ولادنا، القضية كبيرة أوي، عاوزين تعليم كويس سواء قبل الجامعة أو بعد التخرج من الجامعة، ويكون عندنا مستوي كويس، بشرط المساعدة.
السيسي: فيلم الأرهاب والكباب خطأ ووضع الدولة خصم للمواطن
أكد الرئيس عبد الفتاح السيسي، أنه لولا فضل الله على مصر لكانت البلد ذهبت مع الدول التى تهدمت، مضيفا: “بدل ما تجيب فيلم الإرهاب والكباب وتجيب المواطن بيشتكى خلى البلد خصم، مخلاش السلبية خصم، انت المفروض تخلى السلبية خصم.
وأضاف الرئيس خلال كلمته في تدشين مشروع تنمية الاسرة المصرية: “المواطن اللى مبيشتغلش هو اللى خصم، لما حولت البلد لخصم هدوها، ولولا فضل االله علينا وكرمه لكانت البلد دى زى باقى البلاد اللى انتوا شايفنها ما قامتش تاني ولا رجعت تاني خلاص، واللى يروح.. يروح ميرجعش، لكن هو افاض علينا، طيب بعد أن افاض علينا هنفضل زى ما احنا كده، اقابل ناس في الشارع تقولى انا زعلانة منك، اقولها ليه تقولى عندي 6 عيال اقولها اعمل ايه؟ بس هما ساعات ميجبوش الحاجات دي في التليفزيون، علشان ميزعلوش يعني، اقولها انتي عندك 6 اقولها انا عندي 100 مليون.
قال الرئيس عبد الفتاح السيسي، إنه تحدث مع أحد المسئولين في بلجيكا عن الناتج المحلي، قائلا: “قولتله عاوز جامعة تدي تعليم كويس، وعاوز مدرسة تعمل تعليم كويس، ومش الناس تتخانق علشان تغشش ولادها، علشان تقولى أن ابنى معايا شهادة شغله بقى”.
كلمة الرئيس السيسي اليوم .. هذا الواقع سبب تردي الدولة
وأضاف الرئيس السيسي، خلال كلمته في إطلاق المشروع القومي لتنمية الأسرة المصرية: ” الكلام ده من سنة 50 وسنة 60، هو الواقع اللى سبب تردى الدولة، انا عايش معاكم الحكاية، وفى 2014 قولت الكلام ده، السبع السنين، زدنا 14 مليون نسمة، جالي أرقام دخل تكفى هذ النمو الـ 14 مليونا، طبعا لا، ده عجز من الدولة لا، قدرة الدولة مش متمشية مع قدرة نمو الدولة.. الاثنين مش زي بعض، لو عندى مصروف ألف جنيه، دخلي مش ألف جنيه، يبق فيه عجز، أنا مش بتكلم في موازنة، عجز القدرة والأداء.”
كلمة الرئيس السيسي اليوم 28 / 2 / 2022
تحدث الرئيس عبد الفتاح السيسي، عن عام 2011، قائلا: “الناس خرجت ليه في 2011، لأن حالة الرضا المجتمعي مش موجودة، الناس مش راضية، مفيش حاجة مكفية، ومفيش تعليم كويس، وبدل ما نقول أن أداء المواطن بقينا في مواجهة الدولة، نعمل دراما، ومش باخدكم بعيد عن الهدف، بنتكلم عن الحفاظ على الدولة المصرية وعدم الانزلاق للخراب والدمار، الناس تعبانة وعاوزه تغيير صحيح، بس اتغير ازاي، اللى بنتكلم فيه، بنغير أسباب التردى”.
جاء ذلك خلال كلمته في إطلاق المشروع القومى لتنمية الأسرة المصرية.
لمتابعة أخبار موقع نساعد عبر google news اضغط هنـــــــــــا ، صفحة موقع نساعد على الفيسبوك اضغط هنـــــــــا وموقع تويتر اضغط هنــــــــــــــا
اقرأ أيضًا
رئيس الوزراء: نحتاج 40 ألف فصل سنويا بتكلفة 20 مليار جنيه “هنعمل إيه في الجديد كمان”
التخطيط: مصر تزيد كل سنة دولة وإنجاب السيدات ببعض المحافظات تخطى 5 أطفال
