السيسي عن سيطرة الدولة على الأسعار: ده أمر صعب ولو المحل ده غالي متشتريش منه

رد الرئيس عبد الفتاح السيسي على عدم قدرة الدولة في السيطرة على الأسواق. خلال افتتاح المرحلة الثانية من مدينة الصناعات الغذائية “سايلو فوودز” بمدينة السادات، اليوم الخميس.

وقال الرئيس السيسي: بيقولوا الدكتور علي “وزير التموين” مش قادر يسيطر على الأسواق، معقبا: ده أمر لو تصورتوا إن إحنا ممكن كدولة سواء وزارة التموين أو الداخلية تقدر تسيطر عليه، ده أمر صعب، لكن إحنا كمواطنين لو لقيت المحل ده غالي ماتشتريش منه.

وتابع الرئيس: عايز أقولكم النهاردة بنتكلم إن عند وزير التموين 20 أو 30 ألف منفذ غير منافذ القوات المسلحة ووزارة الداخلية وكله يمكن يوصل 40 ألف منفذ علشان نحاول نخفف من حجم الأزمة الكبيرة اللي بنتكلم فيها على مستوى العالم.​

ومازح الرئيس الداخلية قائلا: “مش مستريح كل يوم وزارة الداخلية تطلع مسكنا ومسكنا، بطلع شكلنا وحش قوي، كل يوم في النشرة يقولك مسكنا ما عرفش كام واحد، ما تمسكهم وخلاص”.