تصريحات الرئيس السيسي اليوم أكد خلالها أن الواقع الذى حدث خلال الثلاث سنوات الماضية يتصور البعض أنها أبرزت تحديات وأزمات ولكنها أظهرت لنا فرص نحتاج الاستفادة منها، قائلا: “لما حصل موضوع الصراع التجارى فى العالم بينت أن في تحول كبير حتى في أثناء جائحة كورونا ثم الأزمة الروسية الأوكرانية”.
تصريحات الرئيس السيسي اليوم 29/10/2022
وأضاف الرئيس السيسى، خلال تعليق بافتتاح الملتقى الدولي الأول للصناعة، أن ما يحدث الآن في العالم يشير إلى أن حركة التجارة يعاد تشكيلها وصياغتها، وأن مصر لديها فرصة كمصنع بما تقدمه من تكلفة الإنتاج والتشغيل، متابعا: “أنا عارف السوق العالمي فيه إيه وحتى في مصر اقدر أعمل إيه، ولما أقول للناس تعالوا في تطوير للإنتاج من خلال اتفاقيات وتسعير الطاقة عندنا والتسهيلات والعمالة المصرية اللي تكلفتها لا تقارن بأي تكلفة ثانية”.
ووجه الرئيس السيسي كلامه لرجال الأعمال والمستثمرين: “لكم كل الدعم من الحكومة والشعب ومن بعضنا من أجل بلدنا وتواصلنا المستمر هيخلينا نشوف أكتر، وأننا نسمع بعض دون اتهامات تعالوا نسمع بعض، وتعالوا نتحرك لمصلحة مصر المشتركة ولسه بدرى وعندنا فرصة كويسة”.
وجه الرئيس عبدالفتاح السيسي، ببذل كل الجهود بهدف إزالة العوائق أمام المستثمرين، قائلا: “الرخصة الذهبية لكل من يتقدم 3 شهور ونبذل جهد شوية مع المستثمرين ونراجع، لو الأمور مشيت كويس ولقينا حجم الإنجاز مشجع نقدر نفكر نكمل 3 شهور تانية.
أضاف الرئيس السيسي خلال إطلاق الملتقى والمعرض الدولى الأول للصناعة: “بنشتغل عمل مؤسسى والتجارة والصناعة موجودة وهندي الرخصة دي لكل المتقدمين لمدة 3 شروط، وإحنا بنتحرك كده وبنفتح الباب على أخره وآليات العمل والحوكمة مش زى ما إحنا عاوزين في مصر، والسبب اتكلمنا وقلنا في المؤتمر الاقتصادي مش عاوزينكم تعانوا منه، وكلنا مع بعض ويهمنا البلد تطلع لقدام”.
قال الرئيس عبدالفتاح السيسي، إن هناك الكثير من الأنشطة تحتاج إلى دراسات، معلقا بالقول: “فيه أنشطة بتتعمل محتاجة دراسات لكن فيه حاجات واضحة جدا زى الخامات الدوائية والمعدات اللى بنستوردها، حياة كريمة هيتصرف عليها تريليون جنيه، وتحتاج طلمبات وهتحتاج صيانة وما حدش هايبقا قلقان إن المنتج بتاعه هيتعرض لحاجة، وتساءل: لو فيه مشكلة لحد مش هنقف جنبك ولا إيه؟.
تصريحات الرئيس السيسي اليوم
أضاف الرئيس السيسي:”الـ 100 مليار دولار بتاع التصدير بعد كام سنة هايبقا الحلم بعيد قوى.. بقالي 7 سنين في الشغلانة دي، وعارف إن المواضيع دي بتأخر وبتضيع علينا فرصة.
وأبدي الرئيس السيسي استعداد الدولة للدخول كشريك مع بعض المستثمرين في مبادرة ابدأ بهدف تشجيع رجال الصناعة، قائلا: “يا اللي هتشتغلوا في ابدأ مستعد أخش معاكم بالنص، مش علشان عاوز أخش معاك، لكن علشان أشجعك إن فيه جزء من المخاطرة الدولة معاك فيها، والهدف أيضا تشجيع رجال الصناعة في مصر، وكل من يحتاج يتحرك معانا إحنا معاك”.
وتابع الرئيس السيسي: “لما نتكلم عن تصنيع إطارات السيارات.. ممكن يقولك فيه اعتبارات قد لا تكون واضحة في تكلفة الإنتاج والمنتج بتاعي بالمقارنة مع صودا العيش.. طب إزاي؟!.. والهدف لكل الحاضرين والموجودين هنا من رجال الصناعة.. مش بقي عندنا وقت نفقده في الدراسات.. في الموضوعات المحسومة.. أنت تفتكر حد هياخد طاقة أرخص سواء غاز أو كهرباء.. طب لو هقول السعر بتاع الكهرباء وفق السعر العادي قد اللى بيدفع قد يصل إلى 10 مرات.. إحنا حريصين على الاستقرار.. انتوا بتضيعوا وقت كتير أوي وفرصة كبيرة جدا.. أتصور أن أي تحدي عندنا في مصر وخلال السنين اللى فاتت بيولد فرصة.. التحدي بيولد فرصة.. مش عقبة.. والأزمة بتولد فرصة”.
تصريحات الرئيس السيسي اليوم .. منح الرخصة الذهبية لكل المستثمرين لمدة 3 شهور
وجه الرئيس عبدالفتاح السيسي بمنح الرخصة الذهبية لكل المستثمرين الذين تقدموا للحصول عليها وذلك لمدة 3 أشهر.
لمتابعة أخبار موقع نساعد عبر google news اضغط هنـــــــــــا ، صفحة موقع نساعد على الفيسبوك اضغط هنـــــــــا وموقع تويتر اضغط هنــــــــــــــا
اقرأ أيضًا
رئيس اتحاد الصناعات: مرونة سعر الصرف سيؤدي إلى انخفاض الأسعار
وزارة الصحة تعلن أماكن كشف وعلاج الأمراض الوراثية مجانًا
